Iqela laMakhosi libe ziinjinga zendebe eqalayo iHome of Legends ngethuba ephumelela ngeepenalti ebetha iKabu Yellow kumabala iNelson Mandela Bay eGqeberha ngoMgqibelo umhla weshumi elinesithandathu(16) kulenyanga yeNkanga.
Le ibiyitumente yosuku olunye(1) nebinamaqela amane(4) iMamelidi Sundowns, iKaizer Chiefs, iGolden Arrows neChippa United. Ibimithathu(3) imidlalo ebidlalwa, ibingamandulela kamagqibela kankoyi emibini(2) namagqibela kankqoyi.
Umdlalo wokuqala(1) ubuphakathi kwabafana besithende naMakhosi nalapho iChiefs iphumelele ngamanqaku amabini kwiqanda(2-0) kwaze kumdlalo wesibini(2) kwaqubisana Amasandawana neeChilli Boys nalapho baye babambana ngenqaku elinye macala(1-1) yaphumelela iKabu Yellow ngamanqaku amahlanu kwamane(5-4) kwiipenalti.
Kumagqibela kankqoyi iSundowns neChiefs ziye zabambana ngamaqanda(0-0) yaze iKaizer Chiefs yaphumelela kwiipenalti ngamnqaku amahlanu kwamane(5-4).
IChiefs iphumelela indebe yesibini(2) yobuhlobo kulesizini eyokuqala ibe yindebe iCufe eBloemfontain nalapho yabetha iMarumo Gallands ngeepenalti.
By Siphiwo Boqwana
