Kwimidlalo yeBetway Premierligi nebidlalwa phezolo umhla wamashumi amabini anesithandathu(26) kule yeNkanga inyanga ngoLwesibini ezintsukwini singabalula ukuphumelela okokuqala kweqela iiRockets, ukudlala ngokulingana isihlandlo sesibini(2) zilandelelana kwaMatsantsatsa nokubuya ngasemva kweqela laBafana besithende emva kokukhokelwa kucaca ukuba bayaphulukana nomdlalo.
ITS Galaxy phezolo izibethele iqela iSekhukhune United ngamanqaku amathathu kwelinye(3-1) iyibethela kowayo kunjalo nje iqala ukuphumelela kulesizini iRockets kwiBetway Premier ligi.
ISupersport United nebindwendwele iChippa United eMpuma Koloni ibambene ngeqanda macala(0-0) neqela elizinze eGqeberha, Amatsantsatsa adlale ngokulingana okwesibini(2) imidlalo ilandelelana kwimidlalo yeBetway Premierligi.
Kwelinye icala iGolden Arrows ibuye ngasemva ngethuba ibethela kowayo iqela laseMnambithi iRoyal AM esezingxakini, Abafana besithende baphumelele ngamanqaku amathathu kwamabini(3-2) kwidabi laseDurban phezolo eThekwini.
Alithoba(9) amanqaku afakwe kwimidlalo emithathu(3) yeBetway Premier ligi phezolo, omathathu(3) amaqela ebedlalela ekhaya awakwazanga kuqokelela omathathu(3) amanqaku, iChippa idlale ngokulingana, iBabina Noko yabethelwa kowayo kumabala iPeter Mokaba yaze yona iThwihli Thwahla yayeka ithuba lokuqokelela amanqaku apheleleyo ngethuba iyeka iArrows ibuye ngasemva iphumelele umdlalo.
By Siphiwo Boqwana
