By Siphiwo Boqwana.
Iindaba ezothusayo kwibhola ekhatywayo ziingxelo zomdlali obesakudlalela iKaizer Chiefs, iMoroka Swallows eyabhangiswayo neStellenbosch FC, uSegota Kgaogelo, nothe wangeniswa kwikhaya lokugucula iziyobisi emzimbeni kwimpelaveki esiphuma kuyo, eLimpopo.
USekgota Kgaogelo ukwiqela lebhola ekhatywayo iUpington City. Ngokwengxelo yosomaqhuzu weli ziko, uWatson Luandi weHope Achievers Rehabilitation Centre, lo mdlali uziswe kwelikhaya lusapho lwakhe noluye lwavakalisa ukuba ebefunwa liqela lebhola ekhatywayo laseMorocco phambi kokuba aze kulendawo.
UWatson uvakalise ukuba uSekgota eyakhe into ilula kuba kaloku yena akasebenzisi ziyobisi koko usebenzisa icuba labathwa. Kubonakala into yokuba lo mdlali usenalo ikamva nanjengoko eselula, iminyaka noko yona isamvumela.
Umphathi wale ndawo icoca iziyobisi emzimbeni neyoluleka izimilo, ukuziphatha nokuziqoqosha kwabo baye baziyekelela bangamaxhoba eziyobisi, uthi bathathu (3) abadlali abakhoyo kweli ziko, abanye ababini (2) nguYamkela Phalane noLerato Chabangu.
Ngethuba lodliwano-ndlebe ebenalo neSoccer Laduma uWatson Luandi uncome igalelo lo mbutho iNKRL Foundation neyiyo enceda abadlali ibahoye ibathumele kweli ziko ize ibaququzelele, ingakumbi abo bathwaxwe ziziyobisi.
