Intsebenziswano ekhawulezileyo phakathi kwamapolisa aseGcuwa kunye nenkampani yokhuseleko yabucala ikhokelele ekubanjweni kwabarhanelwa abane ngokuqweqwedisa nokuphanga imoto yeposi ngoLwesibini umhla wamashumi amabini anesibhozo (28) kuTshazimpunzi.
UKapteni Majola Nkohli uthi imoto iqweqwediswe kuhola wendlela u-N2, kwaye umqhubi kamva wehla ebaleni elivulekileyo.
Uthe isixhobo sokulandelela imoto sasebenza kwaye imoto yaqweqwediswa yahlala ehlathini kwindawo yaseGisi eNgqamakwe.
UNkohli uthi inkampani yokhuseleko yagcina imoto eyaqweqwediswayo kunye neFord Ikon engwevu enezinto ezibiweyo ngaphakathi.
Uthi abarhanelwa ababini, abaya kwisikhululo samapolisa ukuya kuxela ukuqweqwediswa kwemoto yeFord, babanjwa emva koko ngelixa abanye ababini babanjwa kumbindi sixeko saseGcuwa.
“Amapolisa afumene isibhamu seTaurus esineembumbulu, impahla erhaqwediswayo kunye nesixhobo sokuvalela isignali.
“Abarhanelwa abane abaneminyaka ephakathi kwamabini anesihlanu (25) namashumi amabini anesixhenxe (27) ubudala kulindeleke ukuba bavele enkundleni kamantyi waseGcuwa kungekudala ngezityholo eziqala ekuqweqwedisweni ukuya ekubeni nempahla erhaqwedisiweyo,” utshilo uNkohli.
