By Anita Qubula.
Abantwana abane baseBalfour eMpumalanga kulindeleke ukuba bavele enkundleni namhlanje, oku kulandela ukubanjwa kwabo ngempelaveki ngezityholo zokubulala uTata wabo oneminyaka engamashumi asixhenxe ananye (71).
Isithethi samapolisa uColonel Donald Mdhluli uthi uluntu lufumene ixhego libhubhile kwibhedi yalo ngoMgqibelo linamanxeba okudutyulwa.
Uthi amapolisa kunye nabasebenzi bezonyango baye babizelwa kwindawo yexhwayelo apho bafike ixhoba linamanxeba abonakalayo eembumbulu neekhatriji ezingenanto kwindawo yexhwayelo.
Le ndoda, igama layo lingachazwanga, ibhengezwe njengebhubhileyo kwindawo yexhwayelo. UColonel Mdhlulli uthi xa kusenziwa uphando kufunyaniswe ukuba ixhoba linomyalelo wokhuseleko kubantwana balo.
Iintombi zakhe ezintathu (3) kunye nonyana omnye ophakathi kweminyaka engamashumi amathathu anesithandathu (36) nengamashumi amane anesihlanu (45) babanjwe eHeidelberg eRhawutini kwamgoMgqibelo.