Iinkampani zothutho zaseMzantsi Afrika zijonge amaxabiso epetroli eBotswana ngokusondeleyo njengoko ukunyuka okukhulu kusondela ngomhla wokuqala (1) kuTshazimpunzi.
I-Botswana Energy Regulatory Agency (BERA) ithe iBotswana iza kulungisa amaxabiso ayo epetroli kuphela ngeveki yokuqala kuTshazimpunzi. Kude kube ngoko, amaxabiso apho ahlala efana.
IBotswana okwangoku ihlawulisa malunga ne-R19.27 ilitha yepetroli ye-95-octane kunye ne-R20.28 ilitha yedizili, ngokweeNtengo zePetroli zeHlabathi.
EMzantsi Afrika, ixabiso lepetroli ye-95-octane elingaphakathi kulindeleke ukuba lifikelele malunga ne-R25.92 ilitha ukusuka ngomhla wokuqala kuTshazimpunzi. Idizili iza kunyuka iye kwi-R27.91 ilitha, kwaye iparafini iya kunyuka ngaphezulu kwe-R11 ilitha. Irhafu yepetroli nayo inyuka ngeesenti ezingamashumi amabini ananye (21c) ngelitha ngaloo mhla.
Ukuba iBotswana igcina amaxabiso ayo angoku ekuqaleni kukaTshazimpuzi umsantsa phakathi kwala mazwe mabini unokufikelela kwi-R10 ilitha.
Ingqonyela ye-Road Freight Association (RFA) uGavin Kelly uthe iinkampani zothutho zinokuqhuba iilori ezingenanto ukuya eBotswana ukuze ziphinde zigcwalise ipetroli, iNews24 ikhuphe ingxelo etshoyo.
“Njengesisombululo sexesha elifutshane kwipetroli exabiso liphantsi, oku kuya kuba luncedo ngokwenene,” utshilo uKelly. “Lo gama nje ipetroli engaphezulu koko kugcinwe ukuze kuqhutywe isithuthi ingathuthwa ngaphesheya komda, oku akuyonto ingekho mthethweni kwaye ayiqhelekanga.”
UKelly uthe ukuthenga ipetroli eninzi kunye nokuthutha ipetroli ngaphesheya komda kuya kuwela phantsi kwemithetho kunye nemirhumo yokungenisa irhafu.
Umphathi we-Unitrans freight uSean Jackson uthe abaqhubi abahamba okanye bedlula eBotswana banokukhetha ukugcwalisa ipetroli apho ukuba amaxabiso aphantsi. Kodwa kwi-Unitrans, izigqibo zokugcwalisa ipetroli zilawulwa ngaphakathi kwendlela ekhoyo kunye neenkqubo zokubonelela. UJackson uthe inkampani ayizange ibone naluphi na ukuphazamiseka okuthe ngqo kokusebenza ngaphambi komhla wokuqala kuTshazimpunzi.
UKelly uthe impembelelo ebanzi yokunyuka kwepetroli ngenyanga kaTshazimpunzi iya kuba nzima. Abathuthi abaninzi bakhathazekile ukuba abathengi babo abayi kwamkela ukunyuka kwepetroli kwaye baya kuyeka ukusebenza nabo, utshilo.
