By Anita Qubula.
Abatyholwa abathathu (3) abatyholwa ngokuba imali kwifama kaMongameli Cyril Ramaphosa iPhala Phala Game, eBela Bela, eLimpopo, bazakuvela kwinkundla yengingqi yaseModimolle phambi kokuxoxwa kwetyala labo.
Abamangalelwa, u-Imanuwela David, nabazalanayo uFroliana kunye noNdilinasho Joseph, bajongene namatyala amaninzi aquka ubusela kunye nokuxhaphaza imali, iyelenqe lokuqhekeza ngeenjongo zokuba.
Batyholwa ngobusela bemali engaphaya kwamamakhulu amahlanu anamashumi asibhozo amawaka ($580 000) yeedola zaseMelika, nto leyo elingana ne-R10 yezigidi zeerandi (R10 million) zemali yoMzantsi Afrika.
Aba batyholwa banikwe ibheyile yamawaka amahlanu (R5000) kunye namawaka alishumi (R10 000) ngokulandelelanayo. Obetyholwa kunye nabo, uDavid, walelwe ukunikwa ibheyile njengoko ebonwa njengomngcipheko wokubaleka.
UFroliana wayengumsebenzi wasekhaya efama xa kwakuqhekezwa nobusela. Aba batyholwa bathathu bayanyaniswa nokuqhekezwa kwefama kaMongameli Ramaphosa kweyoMdumba ka-2020.
Ngoku babuyele kwinkundla yengingqi ukulungiselela ukuxoxwa kwamatyala abo.