IMamelodi Sundowns yoMzantsi izakuba phakathi kwamaqela ahlonitshwayo ehlabathini.
Onke amaqela ebhola ekhatywayo ehlabathi naphumeleleyo ukuba kumaqela azakuthabatha inxaxheba kwindebe yehlabathi abhengeziwe.
Ngomhla weshumi elinesihlanu (15) kulenyanga sikuyo ngoMgqibelo ezintsukwini besiqalisa ukubala sisithi ngunyaka oshiyekileyo ukuba kudlalwe kwiNdebe yeHlabathi yamaqela ebhola ekhatywayo.
IMelika neAfrika basethubeni lokuyiphumelela kuba ibe zizihlandlo ezimbini (2) bebuya nganeno kancinci, ukutsho oko besecicini lokuyibamba.
Ngamaqela amabini iTP Mazembe neRaja Cassablanca eziye zalimela eli lizwekazi laseAfrika ngokungcono kunamanye kuba omabini (2) ajike kwindawo yesibini (2). ITP Mazembe ijike kwindawo yesibini (2) ngonyaka ka-2010 yaze yona iRaja Cassablanca yajika kwindawo yesibini (2) ngonyaka ka-2013.
IMamelodi Sundowns yona yaphela kwindawo yesithandathu (6) ngonyaka ka-2016, ngoku ingena isihlandlo sesibini (2). Amanye amaqela azakuthabatha inxaxheba ziinjinga zaseAfrika kwiCAF Champions League yiAl Ahly, iWydad Cassablanca neES Tunis.
ISpain sona sizakube simelwe yiReal Madrid elona qela linempumelelo engapha kolukhuphiswano ngokuphumelela leNdebe izihlandlo ezihlanu (5) neAthletico Madrid, kanti yona iManchester City neChelsea zizakube zimele iNgilane.
Iingwenya zakwiBungasliga eGermany, iBayern Minich, neqela eliphume kwindawo yesibini (2) kwiUEFA Champions League iDortmund, nazo zizakube zikhona.
Amataliyane kuSerie A azakube emelwe yi-Inter Milan neJuventus. Yona iBenfica neFC Porto zizakube ziphakamise iflag yasePortugal kuletumente, ze yona iPSG imele iFrance.
Nanga amaqela ebhola ekhatywayo angamashumi amabini anethoba (29) ngokwamazwekazi wawo, AFC 4 la ngamazwe amele ilizwekazi laseAsia – iAl Hilal, yiDiamonds, ibe yi-Urawa Red, I-Ulsan HD, ne-Al Ain. CAF 4 la ngawaseAfrika kwaye mane (4) yiAl Ahly, iES Tunis, iMamelodi Sundowns, neWydad Cassablanca.
Amaqela amathathu (3) aphuma kwitumente eqhubayo yeCONMEBOL azakwaziwa ngomhla wamashumi amathathu (30) kwinyanga yeKhala. Likhona iqela elizakuphuma eMelika njengabahlinzeki balendebe yehlabathi.
Alishumi elinesibini (12) amaqela azakumela iUEFA yiChelsea, iManchester City, iReal Madrid, iAthletico Madrid, ibe yi-Inter Milan, iJuventus, iBayern Munich, iDortmund, iParis St Germain, ikhona iRed Bull Salzburg, ibe yiFC Porto neBenfica.
ICONCOCAF 4 yona izakube imelwe ngamazwe amane (4) iPalmeiras, iFluminense, ibe yiFlamingo, iRiver Plate eyokugqibela ibe liqela elizakuphumelela kwiCONCOCAF Champions League.
Lendebe yehlabathi yamaqela amazwekazi ehlabathi izakuqala ngomhla weshumi elinesihlanu kwinyanga yeSilimela kunyaka ozayo ka-2025.
By Siphiwo Boqwana
