By Siphiwo Boqwana
Ngamaqela ebhola ekhatywayo asibhozo akudidi labangahlawulwayo ekungqiniweyo ukuba azakuthabatha inxaxheba kukhuphiswano lendebe yeNedbank kumaqela ebhola ekhatywayo aquka oompondo zihlanjewe kwiBetway Premier League. La maqela aphuma kwiABC Motsepe League.
La maqela asibhozo naphuma kwiMotsepe League azakudibama namanye amaqela akwasibhozo kwiligi yeMotsepe Foundation kwakunye nalishumi elinesithandathu eBetway Premiership League. Onke amaqela ebhola ekhatywayo asuka kwicandelo labangahlawulwayo baphuma kwiABC Motsepe League, alikho iqela elisuka kwiHollywoobets Men Rigional League.
Nanjengoko amaphondo elithoba kukho indawo zamaqela asibhozo nalapho kuye kwadlala iinjinga zamaphondo amabini kwabe kufuneka iqela elinye elizakuthabatha inxaxheba kolukhuphiswano lendebe yeNedbank.
ISibanye Golden Stars emele iphondo laseFreystata iye yaqubisana neKimberley Saints yephondo loMtla Kapa nalapho iqela elinye laphumelela ukuzibekela indawo kolukhuphiswano la maqela angamashumi amathathu anesibini. YiGolden Stars yaseKimberley eyaphumelelayo ngomhla wamashumi amabini anesithathu kwinyanga ephelileyo yeNkanga ngamanqaku amabini kwelinye.
Loo nto ithetha ukuba akukho kwaqela elimele iphondo laseNorthern Cape kwiNedbank Cup.
Amaqela ebhola ekhatywayo kwabangahlawulwayo nabathe bazibekela indawo kulendebe yeNedbank, Umvoti FC lona ngelaKwaZulu Natal, iVasco da Gama yaseNtshona Kapa, Mpheni Defenders yaseLimpopo, iSibanye Golden Stars yaseFreyStata, iLerumo Lions yaseMtla Ntshona, iFree Agents yaseRhawutini neMighty Eagles yaseMpuma Kapa ibe yiNaas the Bees yaseMpumalanga.
Kungqinwe namanye amaqela asibhozo azakuthi athabathe inxaxheba kolukhuphiswano nasuka kwiMotsepe Foundation Championships, loo maqela asibhozo yiMilford FC, yiBaroka FC, iVenda FC, iKruger United, iDurban City, iPretoria Callies, iHungry Lions neCape Town Spurs.
Ukuthelekiswa kwamaqela ebhola ekhatywayo azakudlala kumaqela angamashumi amathathu anesibini (32) okugqibela luzakubhengezwa kungentsu zatywala.