UAkani Simbine uphinde wenza ezibukwayo kwakhona eOslo kwiDiamond ligi ngexa ebaleka kumgama wekhulu lemitsi (100 meters) kwiimbaleki.
Imbaleki yeli loMzantsi Afrika uAkani Simbine phezolo wenze ngcono kwirekhodi ngethuba ebaleka imizuzwana elithoba namashumi alithoba anesine (9.94sec), eshiya ngasemva umtaliyane uMarcell Jacobs noyinjinga yeOlimpiki.
Kwelinye icala kumanina, inzalelwane yoMzantsi Afrika uPrudence Sekgodiso, uphumelele umgama wamakhulu asibhozo yemitsi (800m) kwiimbaleki ngethuba naye ethatha indawo yokuqala (1) phezolo eOslo kwiDiamond ligi. UPrudence wenze ixesha eliyiyure enemizuzu engamashumi amahlanu anesibhozo nemizuzwana engamashumi amathandathu anesithandathu (1:58:66).
UAbdul Hakim Sani Brown waseJapan, akakhange athathe nto kuAkani ngethuba yena esenza imizuzwana elithoba namashumi alithoba anethoba kwixesha lakhe.
UJacobs yena uyokungena kwindawo yesine (4) esenza imizuzwana elishumi elinesithathu (10:03) ebhulelwa amasaka nguSimbine, kanti yena uEmmenuel Eseme waseCameroon ungene kwindawo yesithathu (3) esenza ixesha eliyimizuzwana elishumi nomvo (10:01).
Uyantinga kwakhona namhlanje uAkani Simbine uya eStockholm apho eyokuthabatha inxaxheba komnye umdyarho weembaleki kwiDiamond ligi ngeCawa umhla wesibini (2) kweyeSilimela 2024.
By Siphiwo Boqwana
