Akusindanga nomnye kwisine(4) sabantu abebekhwele kwisithuthi sohlobo lwebhaki, ngethuba ingquzulana nelori ngentsi yanamhlanje.
Ngokwengxelo yesithethi kwiSebe lezothutho ephondweni uUnathi Binqose uthi, umqhubi welori lo usindileyo ubonakalise iimpawu zokubaphantsi kweempembelelo zotywala.
Le ngozi yenzeke kuhola wendlela uN9 eMiddleburg xa usingise eNorpoort malunga nentsimbi yesine 04H00 ngale ntsasa yanamhlanje.
Ibisisithuthi sohlobo lweToyota LDV enabantu abane (3 amadoda 1 owasetyhini) besuka eNorpoort logama iLori inomqhubi kuphela nobesuka kwicala laseMiddleburg.
Kutyholwa ukuba ukuqhuba ngokungakhathali kube ngoyena nobangela wale ngozi nanjengoko umqhubi weloli ebonakalise iimpawu zokusela utywala phofu yena wasinda ephuma engenawo nomkrwelo. Umqhubi ke ubanjwe ngoko nangoko kwaye uphantsi kogcino lwamapolisa.
Ityala lokubulala ngokungenanjongo livuliwe eMiddleburg emapoliseni ukuze kuphandwe ngokuqhubekayo.