Amapolisa aseMthatha ebexhwarhe kwindawo ekuzakubalula ukugqogqa izithuthi ezaphula umthetho kusenziwa nogqogqo kwingingqi yaseBokisini ngethuba bebamba umrhanelwa oneminyaka engamashumi amathathu anesihlanu (35) waseMqhekezweni ngenxa yokuba nompu ongekho mthethweni.
Kwesinye isiganeko kuQumbu, amapolisa adibene nemoto ekrokrisayo. Kukho amadoda amahlanu awayekhwele kule moto. Amapolisa atsala isithuthi ngoko nangoko. Athe xa egqogqa isithuthi, amapolisa abhaqa iimbumbulu ezintlanu (5) 9mm, kwaye iinombolo zazo zicinyiwe.
Onke la madoda mathandathu aphakathi kweminyaka engamashumi amabini anesinye (21) namashumi amathathu (30) ubudala aye abanjwa, kwaye ngalinye libekwe ityala lokufunyanwa nompu ongekho mthethweni. Bazakuvela kwinkundla kamantyi wakuQumbu kungekudala.
UMkomishinala weSithili sase-OR Tambo uMajor General Norman Modishana uncome amalungu ngokuphaphile nokuzinikela ekulweni ulwaphulo-mthetho. Ukubonakala ngakumbi kuyafuneka ukuqinisekisa ukhuseleko, kwaye kufuneka sijonge abaphuli-mthetho,” utshilo uMaj Gen Modishana.
