IPSL ibhengeze ngokusesikweni amabala ekuzakudlalelwa kuwo, imihla ekuzakudlalwa ngawo kumandulela kamagqibela kankqoyi kwindebe yeMTN8.
Mane(4) amaqela ashiyekileyo ngoku kunjalo nje ajonge iindawo ezimbini(2) xa ezakube edlala kumandulela kamagqibela kankqoyi kwiMTN8 nezakuthi idlale imilenze emibini(2)
Umdlalo wamandulela kamagqibela kankqoyi wokuqala(1) kulapho iCape Town City izakube ihlinzeka iOrlando Pirates kumabala iDHL eNtshona Koloni ngomhla wamashumi amabini anesixhenxe(27) kule yeThupha inyanga ngolwesibini ezintsukwini ngentsimbi yesixhenxe(19h00) malanga.
Umlenze wesibini(2) uzakudlalwa ngomhla wamashumi amathathu ananye(31) kwakule yeThupha inyanga kumabala iOrlando nezakube kungoMgqibelo ngentsimbi yesithathu(15h00) emva kwemini.
Komnye umdlalo wamandulela kamagqibela kankqoyi wesibini(2) iMamelodi Sundowns izakwamkela iqela iStellenbosch FC ngomhla wamashumi amabini anesibhozo(28) kule yeThupha inyanga kumabala iLucas Moripe ngentsimbi yesixhenxe(19h00) malanga ngolwesithathu ezintsukwini.
Umlenze wesibini(2) uzakuba kumabala aseMoses Mabhida ngomhla wokuqala(01) kwinyanga yoMsintsi ngentsimbi yesithathu(15h00) emva kwemini.
Amagqibela kankqoyi kwindebe yeMTN8 uzakuba ngomhla wesihlanu(05) kwinyanga yeDwarha kodwa yona indawo nebala ekuzakudlalelwa kuyo iyakuphinda yaziswe yiPSL.
By Siphiwo Boqwana