By Siphiwo Boqwana.
Siphelile isivumelwano sengqesho sikaRaga Chivaviro kwiqela lebhola ekhatywayo iKaizer Chiefs kunjalo nje asizukuhlaziywa, nto leyo ethetha ukuba uRaga akazukuba ngumdlali waMakhosi uyaphelelwa ngumsebenzi ekupheleni kwalenyanga, itshilo ingxelo esuka ngqo kwimithombo yeendaba yeliqela.
Abafana bokuthula noxolo ngomlomo wabaphathi beliqela bahalalisele uRaga batsho bemncoma ngegalelo athe walenza kwiChiefs ukuzama ukuncedisa kwimpumelelo yayo.
Lo mdlali uneminyaka engamashumi amathathu ananye (31) ubudala noyinzalelwane yaseLimpopo uzibandakanye neChiefs kwisizini ka2023/24 emva kokwenza kakuhle kwiqela leMarumo Gallants. UChivaviro watyikityelwa iisizini ezimbini, ephelayo ukuphela kwalenyanga sikuyo yeSilimela.
Ngelixesha ekwiChiefs kwezisizini zimbini uRaga Chivaviro udlale imidlalo engamashumi amane anesithandathu efaka amanqaku alithoba ekwancedise kwakanye ukuba kufakwe inqaku.
Amakhosi kulindeleke ukuba enze uhlengahlengiso nangona engekabhengezi ukuba ngubani umqeqeshi osisigxina kweliqela okwangoku.
