Kuphunywe uphulo kukhangelwa abantu ngezityholo zokubulala nokuzama ukubulala abemi bangaphandle, eCofimvaba.
INkonzo yesiPolisa yoMzantsi Afrika ikhangela abarhanelwa ababulale ummi wangaphandle ngelixa omnye onzakele eCofimvaba phakathi komhla wesihlanu (05) nowesithandathu (06) kweyeThupha 2024.
Izolo ngomhla wesithandathu (06) kweyeThupha malunga nentsimbi yesibhozo (08h00) kusasa, amapolisa aye aziswa luluntu malunga nesiganeko esenzeke ku-R61 ngaseMagwala Location. Amapolisa aye aleqa kwindawo yesiganeko, apho ekufikeni kwabo, bafumana umzimba wendoda eneminyaka engamashumi amathathu anesixhenxe (37) ubudala ngelixa ixhoba elineminyaka engamashumi amabini (22) lilimele ngokumasikizi. Eli nina liye labalekiselwa kwisibhedlele esikufutshane ukuze afumane unyango.
Emva kophando amapolisa afumanise ukuba la maxhoba mabini axhwilwa ngomhla we-29 kweyeKhala 2024, kwaye zange bafunyanwe ngelixa bekhangelwa. Okwangoku akukabanjwa mntu.
Ityala lokubulala nelokuzama ukubulala livuliwe ukuze kuphandwe.
Amapolisa acela nabani na onokuthi ancedise ngolwazi olunokukhokelela ekubanjweni kwabo baye bachaphazeleka kwesi sehlo ukuba atsalele umcuphi uSgt Luleka Ngcwane ku-078 818 5419 okanye achaze kwisikhululo samapolisa esikufutshane okanye enye iCrime Stop ku-08600 10111.