Lukhwankqisekile lubambe ongezantsi uluntu lwaseQuigney eMonti, emva kwesiganeko sokudutyulwa kubulawe abantu ababini ngentseni yanamhlanje.
Ngokwengxelo yenkonzo yesipolisa eMpuma Koloni, ichaza ukuba kuvulwe amatyala amabini okubulala nokuzama ukubulala kulandela izidumbu ezimbini (2) nezifunyenwe kusasa ngentsimbi yesixhenxe eQuigney eMonti.
Amapolisa afike agilana nezidumbu kwisitulo esingaphambili emotweni kwaye benamanxeba okudutyulwa.
Ukanti elinye ixhoba lidutyulwe lisengaphakathi kwigumbi lendawo yokulala ebhatalwayo (Lodge) ngethamsanqa wasinda ekufeni ze wasiwa esibhedlele ukuze afumane unyango.
Akukho mrhanelwa ubanjiweyo okwangoku kwaye iimeko ezingqonge isiganeko ziyinxalenye yophando.