Amapolisa aseGqeberha aphanda ngokubulawa kwendoda eneminyaka engamashumi amane ananye (41) edutyulwe yabhubha ngentseni yangoLwesihlanu umhla wesibini (2) kweyeThupha eHelenvale.
Isithethi samapolisa, uKapteni Sandra Janse Van Rensburg, uthi amalungu aphuma eGelvandale esipolisa axelelwe ngesisehlo ngezithuba zentsimbi yesithandathu kusasa, ngethuba kuvakala izithonga zompu kwingingqi yaseHelenvale.
Uthe amapolisa akhawuleza asabela kwindawo yexhwayelo apho afumana umzimba wale ndoda kwiikona zeDeverell kunye neOld Standford Road unamanxeba amaninzi okudutyulwa.
UJanse Van Rensburg uthe isizathu sokudutyulwa asikaziwa kwaye abahlaseli basagcwele amathafa.
Igama lomfi alikaveli.
.