Amaphulo amapolisa KwaZulu-Natal abangele ukuba kubanjwe abarhanelwa abayi-15 294 kwiindidi ezahlukeneyo zolwaphulo-mthetho kunye nemipu engamakhulu amathathu namashumi amahlanu anethoba (359) efunyenwe kwinyanga yoMnga ka-2024.
Abangamawaka amahlanu anekhulu elinamashumi amahlanu anesibhozo (5 158) kubo babanjelwe izenzo zolwaphulo-mthetho, abangamakhulu amabini namashumi amahlanu anesithandathu (256) kunye namakhulu amabini namashumi anesixhenxe anesine (274) babanjelwe ukubulala nokuzama ukubulala ngokulandelelanayo. Uninzi lokubulala lwenziwa kusetyenziswa izixhobo eziyingozi ezifana nemipu neemela.
Kwafunyanwa imipu engamakhulu amathathu anamashumi amahlanu anethoba (359), iimbumbulu ezingamawaka amathathu anekhulu namashumi asithoba anesihlanu (3 195) kunye neemela ezingamakhulu asixhenxe namashumi asithandathu anethoba (769). Abarhanelwa abalikhulu namashum,i asithoba anesixhenxe (197) babanjelwa amatyala afana nokukhuthuza ngeemeko ezimanyumnyezi, ukukhuthuza ezindlwini, ukukhuthuza ishishini kunye nokuhlutha iimoto. Abo benza ubugebenga kwabasetyhini nasebantwaneni baye balandelwa kwaye abarhanelwa abangamakhulu amabini namashumi asithoba anesithandathu (296) babanjelwa ukudlwengula.
Kumatyala okubetha ngenjongo yokwenzakalisa umzimba, athi ubukhulu becala enziwa xa abenzi bobubi bephantsi kweempembelelo zotywala, amapolisa abambe abarhanelwa abangama-2 525 olwaphulo-mthetho.
Abarhanelwa abangama-264 babanjelwa ukuqhekeza kwiindawo ezihlala abantu kwaye abantu abangama-46 bathinjwa ngenxa yobusela bemfuyo.
Abantu abali-1 367 babanjelwa ulwaphulo-mthetho olunxulumene neziyobisi. I-1 117 yabarhanelwa babanjwa emva kokuba befunyenwe beqhuba bephantsi kweempembelelo zotywala, abantu abangama-304 babanjelwe ukusela kwindawo kawonke-wonke, abantu abangama-554 babanjwe ngenxa yokunxila kwindawo kawonke-wonke kwaye abantu abangama-887 babanjelwa ukuthengisa utywala ngokungekho mthethweni.
Abantu abali-15 babanjelwa ukusasaza utywala ngokungekho mthethweni, ngelixa abantu abangama-26 babanjelwa ukwenziwa kotywala ngokungekho mthethweni.
