Amapolisa aseMpuma Koloni aphanda ngokubhubha kwenkwenkwe eneminyaka emithathu(3) ubudala emximba wayo ufunyanwa edamini ngoLwesibini umhla weshumi (10) kweyoKwindla, malunga nekhilomitha enye ukusuka ekhayeni layo.
Isithethi samapolisa uBrigadier Nobuntu Gantana uthe umntwana uthathwe ekhayeni lakhe kwindawo yase-Ebhongweni, eKuGompo (eMonti), emva kwemini ngoMvulo, umhla wesibini (2) kweyoKwindla.
Umama wakhe wafaka ingxelo yomntu olahlekileyo kwisikhululo samapolisa sendawo emva kwemini elandelayo.
UGantana uthe uphendlo olunzulu lwaqaliswa ngoko nangoko ngamalungu enkonzo yesipolisa, apho afumene ulwazi olukhomba umrhanelwa onokuba nguye.
Emva kokubonisana nomtshutshisi welizwe, amatyala okuxhwila kunye nokoyisa isiphelo sobulungisa avulwa ngokusesikweni.
“Le ngxaki yayicwangciselwe ukuvela okokuqala enkundleni ngomhla wesithoba (9) kweyoKwindla 2026; nangona kunjalo, idokethi yayingabhaliswanga ngaloo mhla njengoko uphando lusaqhubeka,” ucacisile.
UGantana uthe umrhanelwa wabanjwa ngoLwesine waza wavela enkundleni ngoMvulo, kodwa wakhululwa ngoMvulo ngelixa kusenziwa uphando olongezelelweyo
NgoLwesibini, umhla weshumi (10) kweyoKwindla, iqela elijongene namacandelo amaninzi laqinisa uphando.
“Okubuhlungu kukuba, umzimba walo mfana ufunyenwe edamini elikufutshane. Iingcali zokwenza uphando zisingathe le ndawo, kwaye umzimba uthuthwe wasiwa kwindawo yokugcina izidumbu karhulumente ukuze kuhlolwe unobangela wokubhubha kwakhe.
“Uphando luyaqhubeka, kwaye iingxelo ziyaqokelelwa malunga nobungqina obufunyenweyo,” utshilo uGantana.
Wongeze ngelithi ityala lokubulala lingongezwa kwiphepha letyala, okanye, kuya kuvulwa idokethi yophando, kuxhomekeke kubungqina kunye nomyalelo ovela kwiGunya lezoTshutshiso leSizwe.
