Iqela lesizwe lebhola ekhatywayo loMzantsi Afrika Amajita nelinabadlali abaneminyaka engaphantsi kwamashumi amabini(U/20) ubudala awuphumelele umdlalo wokuqala(1) weCOSAFA eMaputo kwelaseMozambique izolo ngethuba bebetha ngempama iMalawi nengakwazanga ukuphendula nangocikicane(5-0)
USakheel April odlala esiswini kwiqela iCape Town City ufake amanqaku amabini(2) kulomdlalo, elinye inqaku lifakwe nguJody Shene. UMbokozeli Mbokazi umdlali wangasemva weOrlando Pirates noKutlwano Letlhaku weMamelodi Sundowns bafake inqaku umdlali ngamnye.
UShandre Campbell oyifolosi yeClub Brugge eBelgium nonozinti uFletcher Smythee-Lowe odlala Portugal bawuqalile umdlalo kwelityeri.
Ngoku Amajita alungiselela umdlalo wesibini(2) weCOSAFA ngomso umhla wamashumi amabini anethoba(29) ngeCawa ezintsukwini, ukuba ayawuphumelela bazakuya kumandulela kamagqibela kankqoyi. Eliqela likwanethemba lokuzibekela indawo kukhuphiswano lendebe yehlabathi kwibhola ekhatywayo nanjengoko kulindeleke ukuba bangene kumagqibela kankqoyi wale indebe nezakuba nika ithuba lokuzibekele indawo kwiAFCON.
By Siphiwo Boqwana