IiProteas zibonakala zizakunyuka umnqantsa kulomdlalo weNdebe yeHlabathi yeQakamba 2024.
Uyaqhuba umdlalo wamagqibela kankqoyi weNdebe yeHlabathi yeQakamba kwi-T20 e-Barbados kumabala iKingston Oval e-West Indies ngalomzuzu sithethayo.
Lomdlalo uphakathi kwe-India neeProteas zoMzantsi Afrika nalapho iqela lamandiya liphumelele itoss lagqiba kwelokuba liqhokre kuqala besenza imitsi elikhulu elinamashumi asixhenxe nesithandathu bephulukana noothinti abasixhenxe (176/7) kwii-Overs ezingamashumi amabini (20).
ZiiProteas ngoku eziqhokrayo zileqa imitsi elikhulu elinamashumi asixhenxe anesixhenxe (177) ukuze ziphumelele.
I-India noMzantsi kuphela kwamaqala angakhange abethwe kulendebe yehlabathi yeqakamba ukuzakuthi gaa ngoku. I-INdia ibethe iNgilane ngoothinti abalithoba (9) kumandulela kamagqibela kankqoyi waze wona uMzantsi wazibethela I-Afghanistan ngemanqaku engamashumi amathandathu anesibhozo (68).
Ukugqibela kwayo kwindebe yehlabathi I-India kwakungethuba bephumelela indebe yehlabathi yee-Overs ezingamashumi amahlanu (50) ngonyaka ka-2011 kodwa wona uMzantsi zange uqalise ukuphumelela nenjani indebe yehlabathi.
Omabini lamaqela abuyisele abadlali ebebedlala ngawo kumandulela kamagqibela kankqoyi.
By Siphiwo Boqwana
