Kwenzeke umhlola nesimanga nento engaqhelekanga ingakumbi kwimisitho yokwenziwa kondlela ntle kubantwana besikolo kwibanga leshumi(grade12).
Umfundi webanga leshumi(grade12) noneminyaka elishumi elinesixhenxe ufike kwiholo lesikolo ePhoenix nelibizwa ngokuba yiSunford. Lo mfundi ufike ekhwele kwimoto yezidumbu(hearse) kuthe kusajongwe leyo gqi qhaphu intombazana iphuma kwibhokisi emhlophe(white kasket) yomgcwabo inxibe ilokhwe emnyama.
Lo mboniso(video) iye yathi ndii kumakhasi onxibelelwano nalapho abantu baye banxakama begxeka esisenzo kunjalo nje bekhwela bezehlela kubazali nakulomntana ngokungahloniphi abangasekhoyo emhlabeni nokwenza into elusikizi kangaka.
Umakazi womntana uKadisha Sawduth uthi bebengazami kudelela nto nje bebesenza into eliphupho lomntana. Oku kwenzeke kwiphondo lakwaZulu Natala ePhoenix. Umphathi wendawo yabangcwabi nekhuphe imoto yokungcwaba(hearse) uJeremiah Naidoo uthe yena khange abone nto ingakhwamnqisa kulento ebezama ukunceda nanjengoko eqhele ukunceda kananjalo watsho esithi akakhange abhatalise nokubhatalisa ukubonisa into yokuba ebenceda, kunjalo nje ebengazami ukudelela nokuphoxisa ngokufa.
Umakazi walomntana uvakalise into yokuba ibe lilishwa ukuba umtshana wakhe abelixhoba lamakhasi onxibelelwano emva kokuba umboniso wakhe ufakwe kumakhasi onxibelelwano.
Umphathi wendawo yabangcwabi Lanny Reddy weWybank Funeral Service uthi ebengayazi ukuba imoto yakhe yokungcwaba izakuhambisa ibhokisi yokungcwaba(kasket).
UNaidoo yena womnye unzip yabangcwabi nokhuphe imoto yakhe simahla uthi into enjena yayikhe yenzeka ayiqali ukwenzeke, uthi enye yeemvumi zalapha eMzantsi Afrika yakhe yafika kwindawo eyayizakucula kuyo ihamba ngemoto yokungcwaba yaphuma yangena yayocula, yiyo nalonto engabonanga nto isisimanga esothusayo kungenjalo engalunganga.
Umakazi womntana uKadasha ukwakhanyele wema ngomlenze umnye iingxelo ezinye ndii kumakhasi onxibelelwano ethi lomntana ebezama ukubonisa ngokufa kwakhe.
By Siphiwo Boqwana
