By Siphiwo Boqwana.
Amakhosi amancinci ayigqibezele isizini ngendlela ephucukileyo ngethuba bebhaxabula iqela le-Usuthu Olumabheshw’ aNkone ngempama, lona alaphendula nongocikicane (5-0) kule mpelaveki siphuma kuyo umhla wesine (4) kwinyanga kaCanzibe. Lona ibingumdlalo wokugqibela kwiDiski Challenge nalapho amaqela ebedlala okokugqibela kule sizini.
NguManqoba Ozoamena oqale ngokukhokelisa i-Kaizer Chiefs nothe wagalela amanqaku amabini (2) kwaze kwalandela uSiphesihle Tati, elesithathu (3) inqaku lafakwa nguNaledi Hlongwane nofake amanqaku amabini (2) kulo mdlalo.
Kwezinye iziphumo zaphezolo kwi-Dstv Diski Challenge, Abafana Besithende babambe ngobhongwane iMamelodi Sundowns ngelinye macala (1-1) kanti yona i-TS Galaxy ibethelwe ekhaya yiStellenbosch ngelinye eqandeni (1-0).
ISekhukhune United yona izibethele kowazo ii-Chilli Boyz ngelinye eqandeni (1-0) yaze iMagesi yabambana ngelinye macala nePolokwane City, i-Supersport United yona yabethela kowayo iNatal Rich Boyz ngelinye kwiqanda (1-0).
