By Ndumiso Nonakasa
IYunivesithi iWalter Sisulu ibisingathe umsitho wamanqindi we-USSA National Tournament eMonti. Imidlalo yamanqindi ye-USSA kokwesibini embalini isingathwe apha kwiphondo leMpuma Kapa kwindawo yaseMonti kulonyaka ka 2024, yaziwa kakhulu ngokukhupha abadlali abasulungekileyo bamanqindi indawo yase Monti. Umsitho ubuqale ngomhla 02/12/2024 waphela 04/12/2024.
IYunivesithi iForthare engumakhelwane nabasingathi mdlalo ithe ayiphumi apha ephondweni itshinga yokuba yeyona yunivesithi iqokelele imbasa ezilishumi elinambini, igolide ezisibhozo nesilive eziMbini kunye neebronze eziMbini, ilandelwa liqela lalapha iWalter Sisulu ephume indawo yesibini ifumana iimbasa ezisixhenxe, igolide eziMbini, siliva eziMbini kunye mebronze eziNtathu.
Kuluhlu lweLight Weight kumaNtombazane uVuyo Dila wase Forthare esikalini engu-48kg ubethe Matlala Mashala waseCPUT ngamanqaku amabini kwelinye (2:1). Asemahle Sotwili wase-UFH esikali 52kg ubhulele amasaka uBuhle Benkosi Sibanda wase-NWU nge-TKO. Likhona Ncamani wase-UFH esikali ongu 57kg uvuthululele umakhelwane wakhe uLuyolo Ntsheni we-Rhodes University ngamanqaku amabini kwelinye (2:1). UZamkelwe Rilityana wase-UFH esikali 63kg ubonise amaqhekeza engqele uBoitumelo Motsumi wase-NWU ngamanqaku amathathu eqandeni (3:0). Kwi Light Heavy weight uLethine Ntuli we-UFH esikalini ongu 75kg ubethe Avela Sidoyi we-DUT ngamanqaku amabini eqandeni.
Division ye Light Weight kumankhwenkwe.
Ebefudula kuba yitshinga iminyaka emibini ilandelana 2022&2023 Andile Ngobeni wase UWC ufike unyuka umnqantsa, ubethwe nguLiyema Ndlela wase-WSU esikali ongu 67kg ngamanqaku amabini kwelinye (2:1). Asiphekona Makeleni wase-UFH esikali ongu 51kg ubhulele amasaka uThando Yenkosi Chili wase-DUT ngamanqaku amathathu eqandeni. UKondile Chumani oze ngobuso ezweni wase-WSU esikali ongu 63kg ubuthe ngokungenalo ulusini uSonwabo Zolani we-WITS ngamanqaku amathathu eqandeni (3:1).
Light Heavy weight division.
Kumantombazane Thabisile Limi Wase WSU esikalini 70kg uphinde wabuya nayo ekhaya intshinga emva kobetha Teboho Morale wase-NWU ngamanqaku amathathu eqandeni.
Amakhwenkwe uHlombe Belu ongumfundi wase-UFH ubethe nogxa wakhe Sakhele Tyam wase-UFH esikali ongu80kg.
Mqeqeshi Mandilakhe Sontlaba wase-UFH uphume indawo yokuqala okwesibini kwimidlalo yamanqindi kwi-USSA national tournament kumanqindi. UMandilakhe Sontlaba uthi ‘Ndibulela intsebenziswano phakathi kweqela lam nabaXhasi, ndonwabile kakhulu, ukusebenza nzima kwethu silungisela le midlalo kuvuziwe ndisithi ke nakwabo bangafumenanga imbasa mabahambe bayosebenza nzima nelabo ixesha liyeza’
Abafundi baya kwiholide zabo nembasa zabo beyovuyisana namakhaya abo kuwo wonke umntu athathe ixhaxheba ekuziphatheni kakuhle kulenyanga kaWayidlokova.