Inenekazi laseGqeberha elineminyaka engamashumi amane anesine(44) ubudala libanjwe libutho looKhetshe(Hawks) kwingingqi yaseGqeberha.
Ibutho looKhetshe(Hawks) eliphanda izenzo zobugebenga lincedisana nabacuphi be’Crime Intelligence’ yaseBethersdorp ne’Gqeberha Hostage Negotiations’, linqakule lavalela lo wasetyhini ngomhla weshumi KweyoMqungu 2024 ngezityholo zokuxhwila.
Lo mrhanelwa watsala umnxeba etsalela ixhoba elingumfana oneminyaka elishumi elinesibhozo(18) ubudala. Lento yenzeke ngomhla wesibhozo(8) kulenyanga kulo umiyo. Umrhanelwa uthethe nelixhoba ngenjongo zokulikhuphela kwenye indawo nanjengoko eqhele ukwenza njalo.
Kivakala ukuba ixhoba ngumtwana wesinqanda-mathe sakhe. Emveni koko uhambe nexhoba ngenqwelo-mafutha yakhe eluhlobo lwe-VW Golf 7 GTI walinikezela kwizigebenga ezingaziwayo.
Izigebenga ziye zafumana uxinzelelo nanjegoko abacuphi bebesezithendeni zabo. Kuye kwanyanzeleka balikhulule ixhoba kungekabikho ntshukumo ziyaphi abazenze kwixhoba.
Othethela amapolisa uMhlakuvana, uthe “Kuthe kwakuvakala ukuba ixhoba lidukile kwabikelwa amapolisa, zange aphozise -maseko ahlala ezithendeni zabenzi bobubi. Uphando luqale ngomhla wesiganeko, umhla wesibhozo kule yoMqungu”.
Umrhanelwa uvele kwinkundla kaMantyi yaseGelvandale ngomhla weshumi kule nyanga kwaye uyalivuma ityala.
