Umbutho wamaKomanisi woMzantsi Afrika (SACP) uzikhabile izityholo zombutho i-Organisation Undoing Tax Abuse (OUTA) zokuba ababoneleli beenkonzo zeNational Student Financial Aid Scheme (NSFAS) bahlawule lo mbutho malunga nesigidi seerandi.
I-OUTA ithi iphethe iintlanganiso eshicilelweyo phakathi kukasihlalo webhodi ye-NSFAS u-Ernest Khosa kunye nommeli wababoneleli beenkonzo ze-NSFAS. Lo mbutho uthi uKhosa, uMphathiswa weMfundo ePhakamileyo uBlade Nzimande, kunye neSACP kutyholwa ukuba bahlawulwe imali.
Isithethi seSACP kuzwelonke uAlex Mashilo uthi azinasihlahla ezi zityholo.
“I-SACP ayizange ifune inkxaso-mali kuye nawuphi na umntu ngokungekho mthethweni, kwaye asisoze samkele nabani na obandakanyeka kuzo naziphi na izenzo zobuqhophololo ezizama ukugalela igama lombutho wethu kwezo zigebenga. Sima siqinile kwisigqibo sethu sokuchasa urhwaphilizo.”