Igqiza elijongene noBundlobongela kuSapho, uKhuseleko lwaBantwana kunye necandelo lolwaphulo-mthetho lwezeSondo(FCS) eRhafu, lusebenze ngempumelelo emva kokuba umsebenzi wabo wophando ukhokelele ekufumaneni umtyholwa nojongene nenani lamatyala okurhweba ngabantu kunye nodlwengulo. Kulamatyala kuquka nelokudlwengula nelavulwa ngenyanga kaFebruary 2023.
Oluphando lukhokelele ekubanjweni kwendoda eneminyaka engamashumi amane ananye(41) ubudala yaseAberdeen, neyayanyaniswa ubuncinane namatyala amahlanu(5). Lamatyala aquka awokurhweba ngabantu(human trafficking) kunye nokudlwengula phakathi konyaka ka2020 no2023 kwiphondo leMpuma Koloni namanye amaphondo.
Lendoda nekufunyaniswe ukuba ingumlimi eRhafu iye yabanjwa ngomhla we(3 July 2023) ibanjwa liqela labacuphi. Ukanti kumamye amatyala ajongene nawo umtyholwa; kukubetha ngenjongo zokwenzakalisa kakubi umtu emzimbeni, ukoyikisa kunye nokusetyenziswa kwabantwana(child labour).
Umrhanelwa ebevelile namhlanje kwinkundla kamantyi yaseAberdeen ngezityholo akongene nazo.