By Siphiwo Boqwana.
Amakhosi abethwe abhulelwa amasaka liqela lebhola ekhatywayo laseTshwane i-Supersport United ngamanqaku amane kwelinye (4-1) kumabala ase-Soccer City ngoLwesibini umhla weshumi elinesibhozo (18) kule imiyo inyanga yothando kumdlalo we-Betway Premier League.
Amakhwenkwe ka-Gavin Hunt khange bawaqhelisele zibekwa aka-Nabi ngethuba uSamir Nurkovic nowayesaku dlalela i-Kaizer Chiefs efaka inqaku kumzuzu wesithathu umdlalo uqalile, kwisiqingatha sokuqala somdlalo nelenze ukuba iqela lakhe lihambe phambili ngelinye eqandeni (1-0). Ibuyile iKaizer Chiefs yafaka inqaku elinye nelifakwe ngumdlali wase-DRC uGlody Lilepo nelithe lalelokubika ekhaya ngethuba ilinganisa ngokwenza ukuba lamaqela alingane ngenqaku macala (1-1).
Kuthe kungaphelanga mizuzu ingako yabuya i-Superport United ngethuba owayengumdlali we-Kaizer Chiefs uChristian Saile efaka inqaku lokuphinda alikhokelise phambili kwakhona eli qela lika-Hunt ngamanqaku amabini kwelinye (2-1).
Siphele isiqingatha sokuqala somdlalo i-Supersport United ihamba phambili ngamanqaku amabini kwelinye (2-1). Iphinde yabuya i-Supersport kwesesibini isiqingatha yafaka amanqaku amabini (2) ngenyawo lika-Ghampani Lungu no-Siphosethu Ndlovu yatsho yaphumelela i-Supersport United ngamanqaku amane kwelinye (4-1).
