By Asipile Kitchen.
Kwiinzame zokulwa uBundlobongela obuSekwe kwiSini kunye nokuBulawa kwabaseTyhini, amakhosikazi eSithili kunye nabanye abachaphazelekayo bangaphandle bangene kwi-Operation Basadi ngoLwesibini, umhla wesihlanu (05) kweyeThupha 2025 eNgqushwa, phantsi kolawulo lukaColonel Ketye. Eli phulo beligxile ekuthinteleni ulwaphulo-mthetho kwiindawo zamapolisa kunye nokuvalwa kwendlela.
Phambi kokuba baqalise imisebenzi yabo amapolisa afumana amazwi obulumko nenkuthazo kwilungu leSpiritual Crime Prevention, uMfundisi Williams, ngelixa uBhishophu Kula etywine ngemithandazo ethandazela ukhuseleko lwamapolisa.
Baqalise umsebenzi wabo ngokujikeleza, bemisa nokugqogqa njengenxalenye yeqhinga lokuthintela ulwaphulo-mthetho. Abarhanelwa abathandathu abaphakathi kweminyaka engamashumi amabini (20) namashumi amathathu (33) babanjelwe ukuthengisa iziyobisi, ukubetha nokuba nemoto ebiweyo. Kuphando amapolisa afumanisa ukuba isithuthi sabiwa eNtshona Koloni (Rondebosch) ngeyeKhala 2025, saze sathinjwa ngamapolisa.
Baqhubekile nokuvalwa kwendlela kuN2 ngaseNgqushwa nalapho kuye kwagqogqwa iimoto ezingamakhulu amabini aneshumi elinesine kunye nabantu abangama-420 kwaza kwakhutshwa izohlwayo ezixabisa iR30 100 yeerandi kubaqhubi. Kwasasazwa amaphephana afundisayo ngobundlobongela obusekelwe kwisini kwaye uluntu lwaziswa ngobundlobongela obujoliswe kwabasetyhini nabantwana.
Aba barhanelwa bazakuvela kwiiNkundla zikaMantyi zaseNgqushwa kungekudala.
Umkomishinala wesithili obambeleyo uBrigadier Freddie ulumkisa uluntu ukuba lungaphuli umthetho nanjengoko amapolisa eza kuqhubeka eqinisa ukubonakala okuphezulu ukuqinisekisa ukhuseleko nokusingqongileyo. Ubulele amalungu ngokuzinikela kwawo ekwenzeni lo msebenzi.
