IiCheetahs ezikhuselayo iqala ngedabi zibekqmwa nje.
Kulempelaveki kuqala imidlalo yeNdebe yeCurry kwisigaba sePremier nalapho ibuye sele itshintshile ikomnye umgangatho kunjalo nje izakudlalwa ngendlela eyohlukileyo.
Amaqela afakwe ngokoluhlu oluhlulwe kabini kumaqela asibhozo (8) ewonke ingamaqela amane (4) kuluhlu ngalunye. Iqela ngalinye lizakudlala namanye amaqela kabini (2) ekhaya nasekuhambeni, aphinde lamaqela adlale namanye umdlalo omnye kolunye uluhlu.
Amaqela amabini akwindawo yokuqala nakweyesibini kuluhlu ngalunye aya kumandulela kamagqibela kankqoyi, aze aphumeleleyo aye kumagqibela kankqoyi ngomhla wamashumi amabini nanye (21) kweyoMsintsi kulonyaka ka2024.
Kuluhlu A kukho iCheetahs ezingabakhuseli nabebegqibe bekwindawo yokuqala kwisizini egqithileyo, ibe ziBulls ezikwindawo yesine, nayo iDHL Western Province ekwindawo yesihlanu ekugqibeleni ibe ziGriffons ezikwindawo yesibhozo. Kuluhlu B ziSharks ebezigqibe zikwindawo yesibini, ibe ziPumas ebezikwindawo yesithathu, iiLions ebezikwindawo yesithandathu neeGriquas ebezikwindawo yesixhenxe.
Iyaqala lemidlalo ngoLwesihlanu umhla wesihlanu kule imiyo inyanga, umdlalo wokuqala kumjikelo wokuqala uphakathi kweSharks neLions eKings Park ngentsimbi yesihlanu (17h00) emva kwemini eMnambithi.
Omnye umdlalo odlalwa ngoLwesihlanu yimpinda yamagqibela kankqoyi kanyaka ka2022 phakathi kweGriquas neePumas eKimberly ngentsimbi yesithathu (15h00) emva kwemini. Abakhuseli balendebe iiCheetahs ziqubisana neeGriffons kwidabi eBloemfontein ngoMgqibelo umhla wesithandathu kule imiyo inyanga ngecala emva kwentsimbi yokuqala (13h30) emva kwemini.
IDHL Western Province iqubisana neVodacom Bulls ngeCawa umhla wesixhenxe (07) kule imiyo inyanga kumabala aseKapa ngentsimbi yesithathu (15 h00) emva kwemini.
