By Ayabonga Ntengu
ENgqushwa, kwilali yaseMgababa kugwetywe uTata onamashumi amahlanu anesine ngokudlwengula imveku engekafiki nakwishumi leminyaka.
Inkundla yeNgingqi yasePeddie eMpuma Kapa imgwebe ubomi entolongweni uTata onamashumi amahlanu anesine ubudala ngokudlwengula unyana wakhe oneminyaka esibhozo ubudala kwilali yaseMgababa eNgqushwa.
Isithethi seNPA kwingingqi uLuxolo Tyali uthi umenzi wobubi ubanjwe eMotherwell eGqeberha apho ebezimele khona. UTyali uthi lo tata ukwagwetywe iminyaka emihlanu eyongezelelweyo ngokubetha ngeenjongo zokwenzakalisa.
“Indoda eneminyaka engamashumi amahlanu ubudala, eyayihlala noonyana bayo kwilali ekufutshane neNgqushwa, yazingela inkwenkwana eya yineminyaka esibhozo ubudala ngelo xesha, eyayisandula kubuya esikolweni ngomhla wamashumi amathathu ananye (31) kuCanzibe ka-2023, phambi kokuba enze olona lwaphulo-mthetho lubi kumntwana ebefanele ukumkhusela.”