Lithuba leBafana Bafana lokuphinda bayiphumelele indebe.
Abaququzeleli beTumente yeCOSAFA bakhethe iGqeberha njengedolophu ezakuthi ihlinzeke lemidlalo yaleNdebe. Yagqibela ukuhlinzeka lendebe iGqeberha ngonyaka ka2021 ngethuba iphunyelelwa yiBafana Bafaba ngokubetha iSenegal kumagqibela kankqoyi kwiipenalti ngamanqaku amahlanu kwamane (5-4). Alishumi elinesibini (12) amaqela athabathe inxaxheba kuletumente kwiigroup ezintathu (3), iGroup nganye inamaqela amane (4).
IZambia iyiphumelele lendebe amatyeri amabini (2) adlulileyo eThekwini. IBafana Bafana izimisele ukulingana neZimbabwe ngokuphumelela izihlandlo ezintandathu (6). Yona iChipolopolo iyiphumelele izihlandlo ezisixhenxe (7) njengelona liphumelele amatyeri amaninzi kulendebe.
Kokwesibini (2) iminyaka ilandelelana amaqela ababini (2) abangabamelwane edibana ukuvula itumente ngethuba i-Eswatini izakube iqubisene neBotswana kodwa kweli ityeli kumabala iNelson Mandela Bay eGqeberha. Le tumente iyaqala ngomhla wamashumi amabini anesithandathu (26) kule inyaga sikuyo ngoLwesithathu ezintsukwini kwiveki ezayo, iyaphela ngomhla wesixhenxe (7) kwinyanga ezayo.
Amaqela akuGroup A yiSouth Afrika, yiMozambique, yi-Eswatini neBotswana. KuGroup B yiZambia, yiKenya, yiComoros neZimbabwe.
Amaqela akuGroup C yiAngola yiNamibia, ibe yiLesotho neSeychelles.
Umdlalo wokuvula ophakathi kwe-Eswatini neBotswana kuGroup A yimpinda yomdlalo wokuvula wonyaka ophelileyo nalapho iBotswana yawuphumelela ngenqaku elinye kwiqanda (1-0). Lomdlalo uqala ngentsimbi yokuqala emva kwemini. Abahlinzeki uMzantsi Afrika uqubisana neMozambique ngentsimbi yesithandathu (18h00) malanga kwakuGroup A.
Ngomhla wamashumi amabini anesixhenxe (27) ngoLwesine kwiveki ezayo ngentsimbi yesithathu (15h00) emva kwemini izakube ongumdlali wokuqala kaGroup B phakathi kweZimbabwe neComoros. IZimbabwe ibuyele kuletumente emva kokuba yayigqibele ngonyaka ka-2021.
IKenya yona izakube ikokwesibini (2) idlala kuletumente neyaqala ngonyaka ka-2013 ngethuba iphuma kwakumjikelo wokuqala (1). IKenya liqela elimenyiweyo lizakudlala neenjinga ezikhuselayo neziyiphumelele izihlandlo ezisixhenxe (7) lendebe. Lomdlalo ungoLwesine kwiveki ezayo umhla wamashumi amabini anesixhenxe (27) ngentsimbi yesithandathu (18h00) malanga.
By Siphiwo Boqwana
