By Siphiwo Boqwana.
Iqela lebhola ekhatywayo nelingabatshakazi kwiBetway Premier League neenjinga ze-Carling Knockout iMagesi ibonakala izivuthulula kunjalo nje izama ukuyiphumelela imidlalo yayo yeligi neenjongo zokubaleka ngenyawo indawo esezantsi, oku kwenzeka emva kokuphumelela imidlalo emibini (2) ilandelelana.
IMagesi iphumelele umdlalo weligi phezolo ngethuba ibetha iiPolokwane City kumabala iPeter Mokaba ePolokwane ngenqaku elinye kwiqanda (1-0), amakhwenkwe ka-Owen da Gama asuka kumdlalo evekini ephelileyo nalapho aphumelela lomdlalo we-Betway Premier League bebetha i-Cape Town City ngamanqaku amabini eqandeni (2-0) yabe ingumdlalo wabo wesibini (2) bewuphumelela kulesizini kwi-Betway Premiership.
IMagesi FC yaphumelela umdlalo wokuqala (1) weligi kwiBetway Premier League ngethuba yayibetha isothusa iOrlando Pirates ngamanqaku amathathu kwamabini (3-2).
Indawo ka-Wonderboy Makhubu ibithathwe ngowayesakuba ngumdlali wangaphambili we-University Of Pretoria uThabang Sibanyoni nothe wafaka inqaku lempumelelo leli qela lika Da Gama kumzuzu weshumi elinethoba (19) kwisiqingatha sokuqala (1) somdlalo.
Emva kwalempumelelo iMagesi icuthe umgama phakathi kwayo neMarumo Gallants ngenqaku elinye (1) kwindawo yeshumi elinesine (14) ukuba ifike.
By Siphiwo Boqwana
