By Siphiwo Boqwana
Namhlanje iiProteas zamabhinqa zidlala ne-Australia kumandulela kamagqibela kankqoyi eDubai kwiNdebe yeHlabathi yeqakamba.
Amagqiyazana eqakamba oMzantsi Afrika angenile kumandulela kamagqibela kankqoyi wendebe yeT20I neqhutyelwa eDubai.
Namhlanje iiProteas zamanina ziqubisana neAustralia nebeziinjinga zalendebe yehlabathi kwiqakamba izihlandlo ezintandathu.
Kokwesithathu (3) amatyeli elandelelana iiProteas yamagqiyazana zingena kumandulela kamagqibela kankqoyi walendebe.
UMzantsi ushiyekelwe yimidlalo emibini kuphela ukuba iyiphakamisele phezulu lendebe yehlabathi eqakamba lamanina.
Umdlalo wokugqibela kaGroup B ube neziphumo ezithethelela iiProteas ngethuba iNgilane Ibethwa yiWest Indies nto leyo eyenze ukuba amantombazana oMzantsi afumane ikroba lokugqithela phambili.
By Siphiwo Boqwana
