By Buhle Nomgalasa.
UBukhosi babaThembu buthe buzakujongana neNkqubo yeNkundla ukucela umngeni kwibheyile yomsebenzi weDyunivesithi iWalter Sisulu (WSU). UManelisi Mampane, otyholwa ngokubulala umfundi waleDyunivesithi uSisonke Mbolekwa, unikwe ibheyile yamawaka alishumi (R10 000) ngoLwesibini. Oku kubangele uqhankqalazo olunobundlobongela kule dyunivesithi, abafundi besithi mayirhoxiswe ibheyile yakhe.
Ecatshukiswa yile nto, iKumkani yabaThembu uBuyelekhaya Dalindyebo ufunge wafunga ukuba uzakuwuchophela lo mba.
UMama kaMbolekwa uzibandakanye noqhankqalazo lwabafundi ngoLwesithathu bekhalazela isigqibo senkundla sokunika uMampane ibheyile. UMama, ongazange akwazi ukuzibamba iinyembezi, ubonwe ethuthuzelwa yinkosi yabaThembu.
“Mntanomhle sidikiwe ziijaji ezinyotywayo zithatha izigqibo ezingaqhelekanga, izigqibo zobuqhophololo. Kwesi sihlandlo asizukuhlonipha obo bubhanxa be nkundla. Ndiyinkundla yokuqala kulo umhlaba.”
UKumkani ukwafunge wathi uzakuthatha onke amanyathelo afanelekileyo ukuchasa ibheyile. “Ndiya kuMongameli weJaji, lungenelelo lwam olo.”
Imisebenzi yezemfundo kwiziko iye yanqunyanyiswa okoko kwenziwe isigqibo, kwiintsuku nje ezimbalwa phambi kokuba kuqaliswe iimviwo.
