Owasetyhini oneminyaka engamashumi amabini ananye (21) ubudala otyholwa ngokurhweba ngeziyobisi eMzantsi Afrika nobanjwe kwisikhululo seenqwelomoya i-OR Tambo eRhawutini ngeCawe ukuza kuthi ga ngoku, ukhuphe iimbumbulu zeziyobisi ezingaphezu kwekhulu elineshumi (110) ekurhaneleka ukuba yiCocaine.
Amapolisa akwisikhululo seenqwelomoya athi oku kungaphezulu komndilili weembumbulu zeziyobisi ezibanjwa zininzi kwisikhululo seenqwelomoya i-OR Tambo ezidla ngokuphathwa. Babongoza abantu ukuba bangazibandakanyi ngokugqithisileyo bebeka ubomi babo emngciphekweni njengoko oku kungajika kubabulale.
Amapolisa nawo axhalabile ngokubandakanyeka kwamanina aselula kolu hlobo lolwaphulo-mthetho.
Lo wasetyhini kulindeleke ukuba avele phambi kweNkundla kaMantyi eKempton Park, namhlanje.