Lizama ngandlela zonke iqela laseKapa ukuliqula liligangathe ukulungiselela isizini ezayo.
Iqela leCitizens lityikitye umdlali wesixhenxe (07) ukuzakuthi gaa ngoku belungiselela isizini ezayo ka2024/25 nezakuqala ngenyanga ezayo kweyeThupha.
ICape Town City ityikitye uSibusiso Ziba osuka kwiqela iJDR Stars nelidlala kuMotsepe ligi, uneminyaka engamashumi amabini anesihlanu (25) ubudala udlala njengomdlali wasemva phakathi nasecaleni langasekunene.
Abanye abadlali abatyikitywe leliqela phambi koSibusiso nguHashim Domingo, uFortune Makaringe, uKayden Francis, uLefa Aphane, uCarlinhos no-Elsin Sithole.
UZiba ufika kwiCape Town City kukho abadlali bangasemva abafana noLorenzo Gordinho, uKeana Cupido noRamazoni Tshimanga.
USibusiso Ziba uphoswe yimidlalo emihlanu (5) kuphela kwimidlalo engamashumi amathandathu (60) ebayidlalileyo kwiqela lakhe iJDR Stars kwezisizini zimbini (2) zidlulileyo.
Ukhona omnye umdlali abangekambhengezi nangona ingxelo zithe ndii into yokuba uyakhona eKapa kweliqela, kungentsuku zatywala kungenzeka abhengezwe naye, loomdlali nguKamohelo Mokotjo.
By Siphiwo Boqwana
