Iphondo leMpuma Koloni lilungele ukubhala iimviwo zebanga leshumi zonyaka ka2025.
Bebonke ngabafundi abayi-122,030 beSatifikethi seMatriki sikaZwelonke (NSC) abaza kubhalela iimviwo zokuphela konyaka zika-2025 eMpuma Koloni.
Iimviwo ziya kuqala kusasa ngoLwesibini ngephepha le (computer applications technology practical paper).
Isebe lezemfundo ephondweni lithe yonke into ilungile malunga nezi mviwo.
Kuzwelonke, iziphumo ziza kukhutshwa ngumphathiswa wemfundo esisiseko uSiviwe Gwarube ngomhla weshumi elinesibini (12) kweyoMqungu 2026 kunye noMphathiswa wezemfundo uFundile Gade kwiphondo kusuku olulandelayo.
Ethetha kwividiyo efakwe kwikhasi lakhe likaFacebook, uGade uthe ngaphambili iphondo belishicilela umyinge omalunga neepesenti ezine ekhulwini (4%) lokuphucuka kwezinga lokuphumelela imatriki.
“Kungenxa yoko le nto sijonge i 87% nangaphezulu,” utshilo. “Siyibeke esweni indlela esiqhuba ngayo ngekota kwaye, umzekelo, ngoku sikwi-84% kwikota yesithathu; iziphumo zethu zeemviwo zokugqibela kweli phondo zidla ngokuboniswa kwiziphumo zekota yesithathu kungoko sibeke ikota yesithathu njengomlinganiselo wethu.”
Ngempumelelo yeklasi yebanga lematriki ka-2024, iphondo likwazile ukuphucula izinga lokuphumelela kwalo unyaka wesine ulandelelana.
Ibe kwindawo yesibhozo (8) kumanqanaba ephondo emva kokuba ifumene ireyithi yokupasa engu-84.98%.
Ngo-2023, iphondo lagqiba kwindawo yesithandathu kuzwelonke lifumana ireyithi yokupasa engu-81.4%.
