I-Institute for Security Studies (ISS) iqaphele ukuba amapolisa akwaZulu-Natal anelona nani liphezulu labarhanelwa ababulawayo kweli lizwe.
Oku kulandela iziganeko zakutsha nje apho kuthe kwabulawa abarhanelwa abalithoba (9) kwisithuba seentsuku ezine (4) ze babahlanu kule veki.
Ukuphendula ukugxekwa kwezenzo zamapolisa KwaZulu-Natal, uGareth Newham, iNtloko yeNkqubo yoBulungisa noBundlobongela kwi-ISS, ugxininise izinga eliphezulu lobundlobongela kwiphondo.
“I-KZN ibisoloko igqamile njengephondo elibulale abantu abaninzi kunamapolisa kulo naliphi na elinye iphondo,” utshilo uNewham.
UNewham uthi, “Ngokwesiqhelo, amapolisa aseKZN kule minyaka ilishumi (10) idlulileyo abulale ikhulu (100) lezikrelemnqa ngonyaka njengenxalenye yomsebenzi wabo.”
Kwakhona, i-30% yabantu ababulawa ngamapolisa eMzantsi Afrika babulawa eKZN. Ke kubantu abangamakhulu amane (400) ababulawa kuzwelonke, bamalunga nekhulu (100) okanye nangaphezulu babulawa eKZN.