Ngunomji kwiPromotion/Relegation playoffs.
Lizakwaziwa kumdlalo wokugqibela iqela elonyuselwayo. Imidlalo yeRelegation/Promotion playoffs izakude iyokuma ekugqibeleni emva komdlalo wangoMgqibelo umhla weshumi elinesihlanu (15) kule inyanga yeSilimela.
IRichards Bay iqela eligqibe isizini likwindawo yeshumi elinesihlanu (15) kwiDSTV Premiership, lifuna ukubuyela kwiDSTV Premiership, eli qela selidlale imidlalo emithathu (3).
Umdlalo wokuqala (1) we-The Rich Boys babethe iUniversity of Pretoria ngenqaku elinye eqandeni (1-0) eDurban kumabala iKing Zwelithini.
Kumdlalo wesibini (2) iRichards Bay ibambene ngeqanda (0-0) neBaroka FC ekuhambeni. Ngomgibelo umhla weshumi elinesihlanu (15) kweyeSilimela ibe ntanganye namaTuks ngenqaku macala (1-1) kumabala iTuks, ePitoli.
AmaTuks sele edlale imidlalo neNatal Rich Boys kabini (2) kowokuqala (1) abethwa ngenqaku elinye kwiqanda (1-0), owesibini (2) ngulo wempelaveki ibingoMgqibelo, eliqela sele ligqibile lona kuba sele lidlale kabini neBaroka FC nalapho iyibethileyo komnye umdlalo yadlala ntanganye.
Kungoku nje AmaTuks anamanqaku amahlanu (5) ebhodini alingana neRichards Bay ehleli kwindawo yokuqala (1) nezishiyana ngokufaka amanqaku. AmaTuks akwindawo yesibini (2) ze aBakgakga bona babekwindawo yokugqibela emsileni kwindawo yesithathu (3) ngamanqaku amabini (2).
Umdlalo wokugqibela uphakathi kweRichards Bay neBaroka FC nozakube uhlinzekwa yiyo iNatal Rich Boys eDurban ngoLwesithathu umhla weshumi elinethoba(19) kule inyanga yeSilimela ngentsimbi yesithathu (15h00) emva kwemini.
Ukuba lomdlalo uphele ngokulingana okanye iRichards Bay iyawuphumelela lonto ithi yabuyela kwiDSTV Premiership. Kodwa ukuba iyabethwa kunyuka iUniversity of Pretoria.
By Siphiwo Boqwana