By Sophumelela Singqota
Ingxabano ekudala ikho phakathi koonoteksi basekuhlaleni neebhasi ze-Intercape iphembelele uqhankqalazo oluthathe iintsuku ezintathu eDutywa eMpuma Koloni, oluqale emva kwemini ngoLwesibini kufutshane negaraji yeBP nalapho oonoteksi bevalele uIntercape ekulayisheni abakhweli. INkonzo yesiPolisa yoMzantsi Afrika (i-SAPS) ingenelela yachitha abantu abaninzi ngaphandle kokujongana nezikhalazo, nto leyo eyandisa ukruthakruthwano. Ngentsasa yangoLwesithathu, ugwayimbo olungenabundlongondlongo
luvalee indlela ngelori, eziye zasuswa nguSAPS esebenzisa iilori ezirhuqa ezinye.
Ishishini leeteksi lityhola u-SAPS ngokubacalanye no-Intercape. “Amapolisa mawathathe inxaxheba ekuthetheni abakhweli ebebengenamoto yokukhwela” batshilo. Esi sigqibo sishiye abantu abaninzi bebambekile edolophini ngobusuku bangoLwesithathu. Iivenkile zivale ngenjikalanga yangoLwesithathu njengenxalenye yoqhankqalazo lokufumana amandla kwiingxoxo, kodwa ukusilela ukufikelela kwisivumelwano kukhokelele kwisiphithiphithi kunye nokuvalwa kwamashishini. NgoLwesine, yonke idolophu ibime ngxi, zonke iivenkile zivaliwe, ukuyakuthi ga ngoLwesihlanu.
Olu qhankqalazo luqhubayo lubuphazamisile ubomi eDutywa, nanjengoko abatekisi besebenzisa zonke iindlela zokuthethathethana ngesisombululo, bevakalelwa kukuba i-Intercape, exhaswa ngurhulumente, ayizihoyi iinkxalabo zabo.
