Amapolisa eMpuma Koloni eMonti aphanda amatyala amabini okubulala emva kokuba inkosikazi nomntwana wayo befunyenwe bedutyulwe basweleka ngaseCTM eAmalinda, eMonti ngentsasa yangoLwesithathu 17 kweyeKhala 2024.
ULieutenant-Colonel Siphokazi Mawisa uthi amapolisa abizelwe kwindawo yexhwayelo kuhola wendlela we-Amalinda malunga nentsimbi yesixhenxe (7:00 am) ekuseni. Ekufikeni kwabo kwindawo yexhwayelo, amapolisa afumene isithuthi iToyota Yaris egreyi kwindawo yokupaka iimoto.
Uthe kuphando, umzimba womfazi oneminyaka engamashumi amane anesine (44) ubudala ufunyenwe kwisitulo somqhubi, ngelixa umntwana oneminyaka elishumi (10) elele kwindlela esecaleni kwesithuthi kwicala lomkhweli.
Uthe, bobabini bebenamanxeba okudutyulwa kumzimba wabo ongasentla.
UMawisa ucele nabani na onokuba nolwazi olunokuthi luncede kuphando aye kwisikhululo samapolisa esikufutshane naye.
Uthe iimeko ezijikeleze esisehlo azikaziwa kwaye ziyinxalenye yophando.
Amagama ababhubhileyo akakachazwa.
