By Esona Magawana
Amadoda amathathu atyholwa ngokubulala owayesakuba nguNobhala Jikelele wolutsha lwe-ANC uSindiso Jethro Magaqa, avele kwiNkundla ePhakamileyo yaseMgungundlovu izolo umhla we26 KweyeNkanga 2025.
USbonelo Myeza, Mbulelo Mpofana noZweliphansi Stanley Skhosana bajongene nezityholo zokuqulunqa iyelenqe lokubulala, ukubulala, ukuzama ukubulala, ukuba nompu ongavumelekanga, ukuba nompu ongekho mthethweni, ukuba nembumbulu ngokungekho mthethweni, ukonakalisa impahla ngenkohlakalo, nokoyisa ulawulo lwezobulungisa.
Izolo eli tyala lihlehliselwe umhla we-18 kuCanzibe ukuya kumhla we-12 KweyeSilimela 2026, kwaye uMyeza noMpofana bazakuhlala ngaphandle ngebheyile ngelixa uSkhosana esavalelwe kulandela ukungaphumeleli kwesicelo sakhe sebheyile.
