Inkundla ephakamileyo yaseMakhanda eMpuma Koloni isibekele isigwebo de kwangoLwesibini weveki ezayo malunga nesicelo sokudelela esifakwe yinkampani yeebhasi iIntercape ngakumapolisa kwakunye nesebe lezothutho.
Le nkampani yeebhasi iye yaya enkundleni, isithi omabini amapolisa nesebe lezothutho basilele ukuthobela umyalelo wenkundla obanyanzelayo ukuba benze isicwangciso sokukhusela iibhasi zakwaIntercape, abasebenzi bayo nabakhweli kwiziganeko zobundlobongela eMpuma Koloni.
Ngenyanga yoMsintsi kunyaka ophelileyo, inkundla yayalela ukuba amapolisa kunye nesebe lezothutho baqulunqe kwaye benze isicwangciso esisebenzayo sokhuseleko nanjengoko iibhasi zakwaIntercape zithe zahlaselwa kweli phondo.
Abaphenduli kulo mba bathi enkundleni yamatyala iye yanqumamisa amaphulo okukhapha iibhasi emva kokudamba kweziganeko zobundlobongela kweyeDwarha kwaye akuzange kubekho sigrogriso sisemthethweni emva koko.
