I-Phanda Mzansi, umbutho okhokelayo ozinikele kuphuhliso lwezoqoqosho nophuhliso loluntu, unebhongo ngokubhengeza ukuphehlelelwa kwenkqubo yabo entsha yenguqu ejolise ekuxhobiseni nokuphucula iindlela oosomashishini abashishina ngayo.
Eli phulo, nelibizwa neliphehlelelwe ngokuba yiNkqubo yokuFukamisa iPhanda Mzansi, limiselwe ukuguqula imeko yoshishino nokudala amathuba ezoqoqosho oluzinzileyo kumntu ngamnye kunye noluntu lwendayo esihlala kuzo.
Le nkqubo yenzelwe ukuxhasa oosomashishini abasakhasayo nabasele bemile ngokusebenzisa indlela ebanzi equka ukuqeqeshwa, ukufikelela kwinkxaso-mali, kunye namathuba onxibelelwano namanye amashishini. Ngokukhuthaza inkcubeko yokusungula izinto ezintsha kunye noshishino, lo mbutho ujolise ekujongeni oonobangela wokusilela kwempucuko kwezoqoqosho.
UMlawuli wePhanda Mzansi, uMnumzana Lonwabo Rani, uvakalise ukuyithanda le nkqubo intsha.
“Sikholelwa ukuba ushishino ngoyena ndoqo wokuvula amathuba oqoqosho nokuphelisa intlupheko eMzantsi Afrika. I-Phanda Mzansi Movement yindlela yokuquka zonke iindlela zokuxhobisa abantu, ukudala imisebenzi, nokwakha uluntu olukwaziyo ukuzimela. Kuyasivuyisa ukubona ifuthe elihle njengoluhlobo eliya kuba neziphumo ezintle.”
IPhanda Mzansi yonyule oosomashishini abalishumi abasuka kwindawo yaseMdantsane naseMonti abathe batyunjwa luluntu kumakhasi onxibelelwano ukuba baxhamle kwiinkonzo ezinekezelwa yiPhanda Mzansi ngenjongo zokuphucula amashishini abo. Oosomashishini baza kuxhamla kuqeqesho nophuhliso loshishino, ukhokelo, uncedo kwizicelo zenkxaso-mali, kunye nokufikelela kumathuba entengiso nawothungelwano.
Oosomashishini ngoku bazakuba nethuba lokufumana ulwazi lwale mihla kunye nokutshintsha kwexesha kuqoqosho, okubavumela ukuba bakhuphisane neenkampani eziphucukileyo kushishino lwabo nokudala amathuba amaninzi emisebenzi.
IPhanda Mzansi ngumbutho ongajonganga ngeniso ozinikele ekukhuthazeni uphuhliso lwezoqoqosho nophuhliso loluntu eMzantsi Afrika. Ngeenkqubo namanyathelo ohlukeneyo, iPhanda Mzansi ijolise ekuxhaseni oosomashishini, ukudala amathuba emisebenzi, nokuqhuba ukukhula koqoqosho oluzinzileyo.
