Usekela-Somlomo weNdlu yoWiso-mthetho yePhondo, uVuyo Jali utyelele iSikolo samaBanga aPhakamileyo saseDouglas Mboapa eGqeberha ngoLwesibini umhla wesithathu (3) kweyoKwindla, njengenxalenye yePhulo lokuphuhlisa uhlaza ezikolweni eliqalwa yiNdlu yoWiso-mthetho phantsi komxholo othi, “Ukwakha ikamva elizinzileyo kwimozulu”.
Eliphulo lixhaswe yindlu yoWiso-Mthetho yephondo ne-Commonwealth Parliamentary Association (CPA) kunye ne-Commonwealth Women Parliamentarians (CWP) liqale ngoMvulo weveki ephelileyo kwaye ligxile ekunikeleni ngezihlangu zesikolo kunye nokutyalwa kwemithi yemveli kwizikolo ezichongiweyo ukunceda ekunciphiseni iziphumo zotshintsho lwemozulu kwiindawo ezifanelekileyo.
Ukanti izihlangu zesikolo zingamakhulu amahlanu amashumi amabini (520) zizonke ziya kunikelwa ekupheleni kwale phulo. Le nkqubo isebenzisana ne-Old Mutual kunye neSebe lezeHlathi, iiNtlanzi kunye neNdalo.
Usekela-Somlomo uphelekwe ngamasebe afanelekileyo, ooceba kunye neBhodi yoLawulo lweSikolo.
