Umbutho wamalungelo oluntu wamabanjwa oMzantsi Afrika (SAPOHR) ukhuthaze amaziko oluleko kuzwelonke ukuba azilungiselele kuqhanqalazo olukhulu olunokubakho ngaphandle kokuba kunoqinisekiswa ukuba ubani nobani bafikelela ngokufanelekileyo ekuvoteni.
Amabanjwa kwilizwe liphela avakalisa ukungoneliseki yinkqubo yokubhalisa abavoti eququzelelwa yiKomishoni yoNyulo eziMeleyo (IEC) kunyulo oluzayo.
Umbutho i-SAPOHR unyanzelisa ukuba abavoti abanelungelo lokuvota ezintolongweni, abangabemi boMzantsi Afrika abaneminyaka elishumi elinesibhozo (18) nangaphezulu, kufuneka bavunyelwe ukuba bavote besebenzisa amakhadi abo okuba ngamabanjwa.
By Anita Qubula
