IQela lokuThintela ukuBiwa kweMfuyo kwisithili saseO.R Tambo lisebenze ngempumelelo ukunqanda ukubiwa kwemfuyo kwiindawo ezishushu phakathi kwesi Sithili, eli linyathelo elimandla njengoko befumene iigusha ebezibiwe eMthatha naseBityi ukusukela ngoLwesithathu, 03/09 de kwangoLwesine, 04/09.
NgoLwesithathu, 03/09 malunga nentsimbi ye-03:00 eli qela libambe umrhanelwa oneminyaka engama-40 ubudala kwisitalato saseMthatha Callaway kunye negusha enye ephilayo kunye nenyama yezilwanyana ekutyholwa ukuba zibiwe eMthatha SPCA (Society Preventing Cruelty To Animals) abasebenzi boluntu bebachaza kakuhle.
Kwesinye isiganeko esinganxulumenanga eXhwili-eBhityi, kufunyenwe iigusha ezingamashumi amahlanu anesithathu (53) ligqiza ngoLwesine, 04/09 malunga ne-03:00 zabuyiselwa kumniniyo ngokusemthethweni. Ezi gusha zibiwe ngoLwesithathu, 03/09 malunga no-22H00 kwaye zashiywa ngabarhanelwa.
I-SAPS ibongoza amafama emfuyo ukuba asoloko etyelela iintlanti zawo kwaye axele ngoko nangoko impahla ebiweyo ukuze afumane uncedo olukhawulezileyo lwamapolisa.
Indoda eneminyaka engama-40 ubudala ilindeleke ukuba ivele phambi kweNkundla kaMantyi eMthatha ngoLwesine, umhla we-04/09, ngezityholo ekurhanelwa ukuba zezemfuyo.
UMkomishinala weSithili sase-OR Tambo, uMajor General Norman Modishana uncome amanyathelo akhawulezileyo athathwe liqela ekulweni ubusela bemfuyo kwisithili njengoko iseyenye yolwaphulo-mthetho olunenkani ekufuneka lujongwe ngqwabalala.
