ISebe lezeNgqesho kunye neNgxowa-mali ye-Inshorensi yabaSebenzi
(I-UIF) ngokubambisana noMasipala waseKhaya iKing Sabata Dalindyebo baza kubamba
Ingqungquthela yentsuku-mbini yomqeshi kunye nosuku oluvulelekileyo eMthatha ukusuka ngomhla wamashumi amabini ananye (21) ukuya kumhla wamashumi amabini anesithathu (23) kuCanzibe. Umvulo walomsitho uyakuthatha inxaxheba kusuku lokuqala kwihotele yaseSavoy ukusukela ngentsimbi yesibhozo kusasa, ukanti usuku lwesibini lona luyakuchotshelwa ngentseni yangomhla wamashumi amabini anesibini (23) ukuya kumhla wamashumi amabini anesithathu (23) kwiholo yolontu kwisixeko-dolophu eMthatha.
Ngexesha leSemina yoMqeshi iNgxowa-mali ye-Inshorensi yokungasebenzi iya kufundisa abaqeshi,
ngakumbi abo baphuma kwiCandelo loKhuseleko, malunga neenkqubo ze-UIF, kunye nokubaluleka kokuthobela imithetho yayo. Ngokulandela olu gxininiso kuza kubekwa etafileni ukubaluleka kokubhalisa kwabaqeshi, ubhengeza abasebenzi babo, kunye nokuhlawula imirhumo yenyanga kwiNgxowa-mali.
Injongo yolu suku kukuncedisa abasebenzi ngamabango abo kunye nokubonelela
isikhokelo kunye nemfundo yokuba ungafaka njani lula isicelo sezibonelelo ze-UIF.
Abasebenzi phantsi kolawulo lukaMasipala weNgingqi iKing Sabata Dalindyebo kunye neendawo ezingqongileyo zimenywa ngokufudumeleyo kwimisitho
