IZiko loLondolozo lweMbali kaNelson Rolihlahla Mandela kunye nentsebenziswano neSebe lezeMidlalo, uBugcisa neNkcubeko, ngomso umhla weshumi elinesibhozo (18) lizakubamba imisebenzi ezakuthi ibenefuthe kwimo yoluntu lwaseMpuma Koloni.
Lo msebenzi uzakubanjelwa eMbizana kuMasipala weSithili saseAlfred Nzo kwisiKhumbuzo sosuku lukaNelson Rholihlahla Mandela ePhondweni.
Umphathi weZiko loLondolozo lweMbali eGqeberha, iNelson Mandela Museum, uMnu. Vuyo Booi uthe, “Umsebenzi esiza kuwenza wokuhlaziya iCawa yamaWisile, ukulungisa nokupeyinta iSikolo samaBanga aphantsi iLudeke, kukuvuselela umsebenzi omhle owenziwa nguMnumzana Rholihlahla Mandela nokuzisa isidima sabantu baseMzantsi Afrika.
“Siza kuxhasa abantwana besikolo ngezihlangu zesikolo, iyunifomu yezemidlalo (ibhola yomnyazi nebhola ekhatywayo) kunye neyunifomu nje ngokubanzi. Kulentlupheko iphezulu kangaka eMzantsi Afrika, ukungalingani kunye nentswela-ngqesho, sizama ukuphila ngokweenkqubo zikaMnu Mandela zokubambisana silu luntu.”
Eminye yemisebenzi ezakuthi yenziwe ngomso leliziko nesebe likarhulumente, kukuhlaziywa kweCawa yamaWisile kwiSekhethe- 1345 kaLudeke, ukulungiswa kunye nomsebenzi wokupeyinta iSikolo samaBanga aphantsi iLudeke ze kulandele umnikelo wezinto zokudlala zaphambi kwesikolo neetafile nezitulo.
Konke oku kwenzwa ngeenjongo zokukhuthaza ukuhlonipha ilifa likaMandela nenkuthazo yokwenza umahluko eluntwini.
Umxholo uzakube usithi: Ukugcina imizila yeenyawo zikaNelson Mandela.
Ungaphoswa, iEC Indaba izakube ipapashe lomsebenzi kwikhasi layo lonxibelelwano uFacebook.